Сүүг тогтмол, зөв хэрэглэж хэвшээрэй

Posted on Posted in Манба Дацан эмнэлэг

Сүүний амт болон шингэсний дараах амт нь амтлаг учир шороо, усан махбодын хувь зонхилсон байдаг. Чадал нь тослог, хүнд. Тус эрдэм нь биеийн дархлааг сайжруулж, тамирыг тэтгэж, өнгө зүсийг сайжруулан, хий, шарын өвчнийг анагааж, хүчжүүлнэ. Сүүг түүхийгээр нь хэрэглэвэл хорхой өвчнийг үүсгэхээс гадна бадганыг арвидуулна. Мөн ходоодны галын илчийг дарангуйлж, хоол боловсруулах үйл ажиллагааг доройтуулдаг тул хүйтнээр нь ууж болохгүй. Сүүг жимстэй хамт хэрэглэвэл бие махбодод урвасан хорыг үүсгэдэг учир хамтад нь хэрэглэхээс татгалзаарай.
Сүү бүр өвөрмөц чадалтай. Цог төгөлдөр дөрвөн үндэст: Нойргүйдэхэд үнээний хөөрүүлсэн халуун сүү дээдийн сайн” хэмээсэн байдаг. Үнээний сүүний чадал нь “Уушгины үйл ажиллагааг сайжруулж, тамирыг тэтгэж, дархлааг сайжруулна” гэж тэмдэглэсэн. Нойр сэрвэлзсэн үед үнээний хөөрүүлсэн сүүг бүлээнээр нь уух нь зүйтэй. Ходоодны бадган арвидсан, галын илч муутай бол сүүндээ зөгийн бал хутгаад уувал ходоодонд сөрөг нөлөө үзүүлэхгүй. Ходоод нь хэвийн, эрүүл хүн бол бага зэрэг шар тос хутгаад ууснаар хийн бэлгэ чанарт нөлөөлнө.
Мөн хуучин халдварт өвчин, шижин өвчнийг анагаадаг. Нойргүйдлээс гадна сэтгэл гутарсан үед уух нь сайн.
Ямааны сүү астма өвчинд сайн. Хонины сүү хийг дарах боловч зүрхэнд хорлолтой. Гүүний сүү уушгины үйл ажиллагааг сайжруулж, дархлааг тэтгэнэ. Тиймээс сүүг тогтмол, зөв хэрэглэж хэвшээрэй.

Эх сурвалж: Уламжлалт анагаах ухаан сонин №08 (37)

Хуваалцах:

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн